Onte seica foi o Día europeo das linguas. Na nosa comunidade educativa (como diría un pedagogo) pasou sen pena nin gloria. Esta nota vén ser como chegar ó fume das velas. Mais non hai caso, porque aquí somos multilingües e sachamos no idioma que nos poñan por banda. ¡Ai, logo!
Así e todo, enlazo aquí esta noticia e mais este vídeo que atopei no Vieiros. Non vos vén mal ós de bacharelato, agora que andades metidos na fariña da lingua e a sociedade. Mirade que traballo máis guapo fixeron os rapaces do vídeo. E ademais de faceren un traballo estupendo, parecen inmunes ó sarabullo que lles provoca a cuestión da lingua a algúns dos comentaristas da noticia. Nos tempos que corren é bo sinal.
Ningún comentario:
Publicar un comentario