13.1.13

Dime algo sucio. Léxico-3

Imaxe blog.xerais.es
Encrucillado para o club de lectura da novela de Diego Ameixeiras.
Exercicio de léxico tirado da novela Dime algo sucio.
A partir da definición, descubride a palabra usada na novela.

5.1.13

Brais Rodríguez. A man do diaño

Imaxe de Quadriños
Un comando de tres membros entra en territorio inimigo para levar a cabo unha misión. Destrúen todo o que atopan no camiño e eliminan superviventes. Mais sofren unha emboscada e un dos soldados resulta ferido. Recibe axuda dunha familia de campesiños e o soldado salva a vida, pero queda sen unha perna. Durante a convalecencia os outros dous compañeiros seguen coa misión, que inclúe a destrución da familia acolledora.
O incidente da emboscada fai reflexionar ó ferido e ó mercenario, que cambian de actitude e deciden abandonar as armas. Dos tres só logra cruzar a ponte de volta o mercenario, e aínda así non sabemos cal será o seu futuro. A guerra continúa: no camiño de volta o mercenario observa outro comando que se interna en territorio inimigo.
O autor quixo escribir unha historia antibelicista. Logra transmitir o irracional e o absurdo dun conflito bélico, a crueldade da limpeza étnica. Faille ver ó lector como a poboación civil é o pandote do exército inimigo e do amigo. Os soldados dos exércitos enfrontados son idénticos; só se distinguen na color do uniforme. Polo demais, obedecen e actúan do mesmo xeito.
A mensaxe d’ A man do demo é pesimista. Abóndalle ó autor cun par de viñetas para transmitírnola: os humanos, coma calquera outro insecto, mantéñense das entrañas dos semellantes.


Imaxe de Demo Editorial
Malia faceren a guerra con ordenador, os soldados van ataviados cun aire retro que os volve atemporais. A barbarie ten un amplo marco cronolóxico.
O branco e negro des debuxos non lle resta ningún dramatismo á historia.

Falan da obra



Brais Rodríguez, A man do diaño. A Coruña, Demo Editorial, 2011.

1.1.13

Noticias de literatura-132. Decembro 2012

Ignacio Vidal Portabales, premio Blanco Amor:
O xurado do garladón, que cumpre xa trinta edicións, recoñece o seu ‘Dióxenes en Dolorida’ (El Correo Gallego, 01-12-2012).
Vidal Portabales 
Foto: La Voz de Galicia
ha sido nombrado ganador del XXX Premio de Novela Longa Eduardo Blanco Amor, por su obra Dióxenes en Dolorida. El jurado ha destacado «a súa estructura e estilo áxil e directo, o emprego de diferentes voces narrativas, o humor como elemento conductor, e a recreación dun ambiente a medio camiño entre o real e o paródico» (La Voz de Galicia, 30-11-2012).
A acta de premio subliña "a orixinalidade na construción do personaxe protagonista como produto da inadaptación social e pola recreación dun ambiente que fluctúa entre o real e o paródico, dentro dun interesante exercicio imaxinativo non exento de humor" (Galiciaé, 01-12-2012).
Francisco Fernández Naval presenta A noite branca:
presentou   a súa última novela titulada 'A noite branca' como o proxecto   literario máis importante da súa vida a pesar de que nunca se lle   ocorreu que escribiría sobre unha guerra (Galicia Hoxe, 15-12-2012).
Valentín Paz-Andrade, material inédito:
Un libro inédito de Valentín Paz Andrade, que se titulará 'Diarios de Viaxe', verá a luz a finais de xaneiro de man de Alvarellos Editora, que se encargará de publicar un total de 30 textos do escritor galego escritos en 1954 e 1955 e confeccionados durante as súas viaxes por América como técnico da FAO (Galicia Hoxe, 14-12-2012).


Manuel Rivas, Todo é silencio en inglés e francés:
“Para mí es significativo que se hayan dado bastante prisa en editarlo, apenas dos años después de que haya salido en gallego. Es cierto que ‘O lápis do carpinteiro’ y los cuentos funcionaron bien y los sacaron en edición de bolsillo, pero este libro era una incógnita, no tenía la condición de best seller y era diferente, por la temática y por la escritura (El País, 11-12-2012).
Las voces bajas pertenecen a los niños Manuel y María Rivas, testigos de aquella lucha por la supervivencia durante un tiempo ruin y esperanzado en un espacio zarandeado por la historia y la meteorología (Tereixa Constenla, El País, 21-12-2012).
Imaxe: Praza pública
Carlos Sardiña e Pitusa Arias presentan Bóveda, novela gráfica sobre a figura do galeguista:
A obra quere ser un alegato a prol da paz e contra a a inxustiza (Praza pública).
David Rubín presenta O Heroe:
Nesta obra, reinventa a historia do mítico Hércules e as súas 12 probas, ao longo de dous volumes de case 600 páxinas nas que o protagonista "loita contra vento e marea para escribir o seu propio destino". Neste relato, recoñece, introduce unha importante "carga política, que non panfletaria" (Galiciaé, 16-12-2012).
Xaime Subiela 
Foto: El Correo Gallego
Xaime Subiela, premio Ramón Piñeiro de Ensaio:
Subiela afronta os retos que se lle abren a Galicia no futuro. O xurado valorou «a modernidade da análise da situación actual» de Galicia e a «novidosa» formulación dos retos da sociedade galega. O ensaio constrúese arredor da idea de buscar alternativas conciliadoras en torno ao concepto integrador de nación, cunha visión optimista de futuro (La Voz de Galicia, 22-12-2012).

 Antonio Gamoneda, Fonación, palabra e escritura, pensamento poético:
o autor descifra as constantes e diversas interrogacións sobre o valor xerminal que poida ter para o pensamento, en particular para o pensamento poético, o feito de que o primate empeñouse en ser home e, a partir de certo momento, o determinante maior da súa humanidade non foi outro que a aparición na súa vida da linguaxe (Editorial Trifolium).