Noticias de literatura-162. Xuño de 2015

Héctor Cajaraville, Érica Esmorís e Andrea Maceiras, Premios Xerais 2015

Tres nomes da nova literatura fanse coas tres categorías dos premios xerais e poñen sobre a mesa varias cuestións arredor da escrita dos nosos tempos (Sermos Galiza, 06-06-2015).

• “Os premios Xerais reivindican ‘o poder sempre vivo da palabra’”, Praza Pública, 06-06-2015.

• Noticia dos Premios Xerais en La Voz de Galicia, 07-06-2015.

Xosé Díaz, Dos arquivos xeométricos. Razón e realidade no pensamento de Rafael Dieste

unha obra de Xosé Díaz (Lugo, 1980) nada da súa tese de doutoramento, centrada en Dieste (1899-1981) e a xeometría, unha relación tan descoñecida como enriquecedora (Xosé Manuel Piñeiro, Sermos Galiza, 06-06-2015).

Antonio Piñeiro, A identidade fascinada

Con A identidade fascinada (Galaxia) o escritor Antonio Piñeiro leva á literatura a Compostela universitaria dos anos oitenta e a fin dun tempo que sitúa na noite na que a explosión na discoteca Clangor puxo fin a unha etapa de entusiasmo (Carme Vidal, Sermos Galiza, 13-06-2015).

Charo Lopez, Premio Fiz Vergara Vilariño

[...] o título De como acontece a fin do mundo apunta cara o contido do libro. “Recolle unha crítica de como está o panorama que me preocupa bastante, o concepto de “desnivel prometeico”de  Günther Anders é dicir, a distancia entre unha acción e as súas consecuencias, coa gran complexidade do sistema (C. V., Sermos Galiza, 23-06-2015).

Editorial Galaxia e Otero Pedrayo

[...] presentación da fotobiografía de Otero Pedrayo elaborada por Afonso Vázquez-Monxardín e Patricia Chachero. A coautora do libro fixo un repaso dalgunhas das imaxes e dos datos máis singulares da publicación Ramón Otero Pedrayo. Unha fotobiografía 1888-1976 (Xosé Manoel Rodríguez, La Voz de Galicia, 29-06-2015).

A RAG e as Irmandades da Fala

La Real Academia Galega (RAG) y el Ayuntamiento de A Coruña han iniciado hoy una serie de contactos para colaborar en los preparativos de la celebración en 2016 del centenario de las Irmandades da Fala (El Correo Gallego, 29-06-2015).

Francisco Castro, 'O corazón da Branca de Neve'

Imaxe: Editorial Galaxia

O inspector Hermida descobre e detén unha banda criminal que se dedica ao tráfico de seres humanos. Baixo o disfrace dunha ONG rapta mozas embarazadas, véndelles os bebés, mátaas e fai desaparecer os cadáveres.

A banda criminal sostense en tres necesidades: a das nais mozas que foxen da necesidade ou da persecución; a das parellas que buscan fillos con desesperación e a do sometemento a substancias adictivas.

No caso que ocupa desta volta ao inspector Hermida atopamos unha rapaza marroquí -Leila- que foxe do seu país para tapar o embarazo da vergoña, e un matrimonio novo -Sonia e Alberto- ao que non lle dá chegado o bebé polo que ela devece. A banda criminal véndelles o bebé clandestinamente e fai que manten a parturiente. Do traballo sucio encárgase un heroinómano, o Branco.

Un remol de piedade impídelle ao asasino desfacerse da rapaza e abandónaa onde poidan dar con ela, aínda que sexa moribunda. A partir de aí, o canso pero experto e pundonoroso inspector Hermida irá botando luz sobre a trama criminal.

O autor mantén maxistralmente o suspense ao longo do relato e logra tecer un fío invisible de unión entre os personaxes bondadosos desta historia, malia non se copeceren e estaren afastados.

Dictiografía

• Presentación editorial de O corazón da Branca de Neve.
• Francisco Castro gaña cunha historia de intriga o Premio de Novelas por Entregas de La Voz, La Voz de Galicia, 12-07-2013.
• Presentación de O corazón da Branca de Neve na Casa de Galicia en Madrid.
• O corazón da Branca de Neve (Galaxia) de Francisco Castro, en Fervenzas Literarias.
• O corazón da Branca de Neve, a nova novela de Francisco Castro, en El Correo Gallego, 17-10-2013.
  ___________________________________________
  Francisco Castro, O corazón da Branca de Neve. Vigo, Galaxia, 2013.

'O corazón da Branca de Neve', de Francisco Castro. Test de lectura-2

Velaquí outro pequeno divertimento para o club lector da novela de Francisco Castro O corazón da Branca de Neve. Test de lectura-2 cuspidiño ao anterior.

'O corazón da Branca de Neve', de Francisco Castro. Test de lectura-1

Exercicio para o club de lectura d'O corazón da Branca de Neve, de Francisco Castro.
A actividade rouba uns poucos minutiños e consiste en sinalar se son verdadeiras ou falsas as afirmacións que se fan sobre esta novela.

Noticias de literatura-161. Maio de 2015

Ismael Ramos, Os fillos da fame

o xurado do premio Johán Carballeira decidiu por unanimidade recoñecer Os fillos da fame, o libro asinado por Ismael Ramos (Mazaricos, 1994). Segundo o xurado, o libro goza de “indubidábeis valores poéticos” que o sitúan na “mellor tradición da poesía internacional” (Sermos Galiza, 02-05-2015).

Pablo Ramil Rego / Javier Ferreiro da Costa, Guía de campo para a interpretación do feísmo na paisaxe galega

"Co termo feísmo trátase de aglutinar un conxunto heteroxéneo de actuacións efectuadas polo ser humano sobre a paisaxe, froito da introdución de elementos alleos ou construcións distorsionantes", explican na introdución dunha obra que delimita 34 tipos distintos de feísmos, explicados de maneira amena e retanqueira, e contextualizados social e xeograficamente (Marcos Pérez Pena, Praza Pública, 06-05-2015).

Cris Pavón, Sangue 12

A autora publicara o ano pasado ‘Sangue 12′, (Urco), novela na que conectaba fíos como a tecnoloxía, a literatura e o feminismo a través dunha historia de amor entre dúas adolescentes, unha delas vampira. Nuns meses, Urco editaralle tamén a súa obra ‘Limiar de conciencia’, que fora hai anos finalista dos premios Xerais. O discurso literario desta autora é singular, sólido e, moitas veces, transgresor nun contexto, en ocasións, se cadra algo “rancio” para acoller voces como a dela (Montse Dopico, Magazine Cultural Galego, 08-05-2015).

Elisabet Ríos Liste, Café intenso

[...] o xurado elexíu [...] valorando "a estrutura unitaria do poemario e a proposta innovadora na tradición europea experimental que, a partir do cotiá, constrúe un universo poético narrativo en conexión coas artes visuais" (Cristina Botrán, El Correo Gallego, 10-5-2015).

Agustín Fernández Pas, A viaxe de Gagarin

O Círculo das Artes de Lugo acolleu a Gala das Letras, durante a que se deron a coñecer as obras gañadoras dos premios da Asociación de Escritoras e Escritores en Lingua Galega (AELG). A obra A viaxe de Gagarin de Agustín Fernández Paz foi elixida como o mellor título de 2014 (Sermos Galiza, 10-5-2015).

Eva Veiga, Soño e vértice

Con Soño e vértice a xornalista e escritora Eva Veiga faise co certame de poesía “Concello de Carral”. Recibe Veiga a noticia do novo premio tan só tres días despois de ter recollido en Lugo o premio da Asociación de Escritores e Escritoras en Lingua Galega (AELG) na modalidade de poesía polo seu libro A distancia do tambor (Sermos Galiza, 14-05-2015).

María do Carme Kruckenberg

A poeta María do Carme Kruckenberg faleceu este sábado, véspera do Día das Letras Galegas, aos 88 anos de idade. A prolífica escritora , considerada “unha das voces máis libres e potentes da poesía galega de todos os tempos”, deixa un inmenso legado literario (Sermos Galiza, 16-05-2015).

• Fran P. Lorenzo, “Adeus á voz indómita de Mª do Carme Kruckenberg”, El Correo Gallego, 17-05-2015.

Noa Pérez González, O ocaso da familia Portela

“É a historia dun clan orixinario do Rosal que viven en Vigo; é afín ao réxime franquista”, explica a autora. Ao longo de tres xeracións, dende os anos anteriores á guerra civil ata os setenta, fai un percorrido cunha cidade que medra e se transforma como escenario da trama. “Fundamentalmente é unha historia intimista que aborda os sentimentos, os medos e as valentías dos protagonistas; como trasfondo están outros aspectos máis diluidos, entre eles o histórico”, puntualiza Noa (A. Baena, Atlántico, 16-05-2015).

Francisco Castro, Tes ata as 10

El escritor de Teis dirigió ayer una visita por el escenario de su última novela, Tes ata as 10 (Galaxia, 2014). Unas sesenta personas siguieron atentamente sus explicaciones en un recorrido interactivo (Jorge Lamas, La Voz de Galicia, 24-05-2015).

Úrsula Heize, ...e os domingos, un croissant

relata o seu ingreso no hospital psiquiátrico La Robleda para loitar contra unha fonda depresión. É un libro de ruídos, de historias, de honestidade. A autora non busca subterfuxios, nin procura o eufemismo. Íspese palabra a palabra para cercar coa letra escrita un momento da súa vida en que todo se parou (Alberto Ramos, Praza Pública, 29-05-2015).

'A pomba e o degolado'-1. Test de lectura

A pomba e  o degolado-1. Divertimento para o club de lectura desta novela de Fina Casalderrey.
Consiste o exercicio en sinalar se son verdadeiras ou falsas as afirmacións que se fan sobre os personaxes da obra.

Lingua esgallada-56

Lingua esgallada-56

Velaí deixo un novo exercicio -Lingua esgallada-56- feito con grallas de textos escritos. Non leva moito tempo facelo: os consabidos 3-5 minutiños. Consiste a tarefa en ir marcando aquelas opcións que se consideren axeitadas ao galego estándar. Poden ser unha ou varias as opcións que cómpre sinalar.

X. M. Álvarez Blázquez. Exposición do centenario

Centenario Álvarez Blázquez. Miniquest

Para o alumnado de FP básica e PCPI.
Miniquest sobre a figura de Álvarez Blázquez.
Visitamos a exposición "Centenario de Xosé María Álvarez Blázquez. Construtor dunha cidade de libros. Tui, 1915-Vigo, 1985" (na Fundación Penzol) e respondemos da actividade con esta pequena miniquest.

Filgueira Valverde. Achegas na rede-2

Conmemoracións

1. Actos e homenaxes para conmemorar a figura de Filgueira Valverde, Galicia Hoxe, 23-02-2015.
2. A antesala das Letras Galegas eleva a figura de Filgueira Valverde, P. Calveiro, La Voz de Galicia, 24-02-2014.
3. Pontevedra acollerá un amplo programa de actividades en homenaxe a Filgueira Valverde, Galicia Hoxe, 24-02-2015.

Valoracións e debate

1. “O Consello da Cultura sae en defensa do Día das Letras a Filgueira Valverde”, Sermos Galiza, 05-01-2015.
2. “O presidente do Consello da Cultura Galega lamenta as críticas a dedicatoria do Día das Letras a Filgueira [...]”, Galicia Hoxe, 05-01-2015.
3. “Filgueira Valverde tivo o poder suficiente para eliminar probas…”, Praza Pública, 03-03-2015.
4. Xosé Manuel Sarille, “Filgueira Valverde”, Galicia Confidencial, 05-03-2015.
5. X. L. Franco Grande, “De novo con Filgueira”, La Voz de Galicia, 09-03-2015.
6. Xesús Alonso Montero, “Nas vésperas do 17 de maio”, La Voz de Galicia, 29-04-2015.
7. H. V., “Alonso Montero critica Sermos, sen o citar, por publicar os poemas franquistas de Filgueira”, Sermos Galiza, 29-04-2015.

Sobre o autor

1. Páxina web da Fundación Filgueira Valverde: http://filgueiravalverde.gal/
2. Emilio Xosé Ínsua López, “Sobre Filgueira Valverde”, no blog A Íinsua do Ínsua, 10-04-2015.
3. Xesús Alonso Montero, Filgueira Valverde. Biografía intelectual. Noticia da presentación da obra en Galicia Hoxe, 16-04-2015. Sobre o mesmo asunto: “Alonso Montero avanza as claves da biografía intelectual de Filgueira”, El Correo Gallego, 17-04-2015.
4. Víctor F. Freixanes, “O señor Filgueira”, La Voz de Galicia, 26-04-2015.
5. Gonzalo E. Veloso, Contextualizando a Filgueira Valverde. Documental. Véxase Consello da Cultura Galega.

Sobre a obra

1. Xesús Ferro Ruibal, “Filgueira: innovación no teatro escolar”, La Voz de Galicia, 02-03-2015.
2. “Galaxia rompe o xeo e publica Filgueira Valverde”, Sermos Galiza, 27-03-2015.
3. X. F., “Os contos de Quintana viva [...]”, La Voz de Galicia, 07-04-2015.
4. Carme Vidal, “Freixeiro Mato,  autor de A poesía oculta de Filgueira Valverde”, Sermos Galiza, 08-04-2015.
5. “Reeditan Os nenos, de Filgueira Valverde, en edición facsímil e ilustrada”, Faro de Vigo, 11-04-2015.
6. “Reeditada en versión facsimilar la obra Os nenos de Filgueira Valverde”, La Opinión. A Coruña, 11-04-2015.
   
   
   Sobre Filgueira Valverde neste blog.

Noticias de literatura-160. Abril de 2015

Carmen Caramés, Dos días escuros

Carmen Caramés tenta [...] poñerse no lugar dunha muller maltratada no seu poemario Dos días escuros (Xerais), co que gañou o XVII Premio Johán Carballeira do Concello de Bueu. A autora tratou, neste libro, de “entender”. De reparar no medo ou na indiferenza dos demais “que poden resultar tan paralizantes para a vítima” (Montse Dopico, Praza Pública).

Agustín Fernández Paz e a banda deseñada

Na miña casa, os cómics tiñan unha presenza importantísima. Líaos toda a familia, e algúns deles suscitaban moitos comentarios entre nós. Mercabamos tebeos na medida das nosas posibilidades, que eran poucas; mais había un intenso mercado secundario: os cambios e os préstamos. Deste xeito, sempre había tebeos novos para ler. O cine dos pobres, tenlles chamado alguén, e hai moito de verdade niso (entrevista de Eduardo Maroño, Praza Pública).

• Premio Clubs de Lectura 2015: “Outorgado co gallo do Día Mundial do Libro, o premio destaca ao escritor como o máis lido polos clubs de lectura do ámbito educativo do pasado curso (Sermos Galiza, 24-04-2015). 
  
  

Lois Pereiro, homenaxeado en Monforte

"A corporación decidiu dedicarlle a Casa da Cultura e a Biblioteca municipal á persoa do mundo das letras e da literatura que máis pode honrar a Monforte". As concelleiras Pilar López e María Xosé Vega presentaron os actos que este sábado se levarán a cabo na vila en homenaxe ao poeta e con motivo do Ano Lois Pereiro (Praza Pública, 09-04-2015).

 

Xosé Manuel Sánchez Rei (coord.), Modelos de lingua e compromiso

Na publicación, os expertos defenden que "dificilmente se pode pensar nunha restauración social da lingua cando o que se pretende restaurar está fortemente erosionado polo español, cando se confunde autenticidade idiomática soamente con variedades coloquiais ou cando se parece tolerar con certa normalidade, mesmo en ámbitos académicos, inquietantes doses de hibridación con aquela lingua" (Miguel Pardo, Praza Pública, 09-04-2015).

Fran Alonso, Poétic@

o seu último libro, que é, tal como el mesmo o define, “poesía dixital e transmedia”. Artefacto mestizo no que o texto interactúa con materiais de natureza diversa que convidan a unha lectura personalizada, sempre diferente (entrevista de Montse Dopico, Praza Pública, 10-04-2015).

Freixeiro Mato, A poesía oculta de Filgueira Valverde

O libro A poesía oculta de Filgueira Valverde (Baia Edicións) desvelará en breve o proceso de pesquisa do investigador que ten nos distintos modelos de lingua a súa principal proba (Carme Vidal, Sermos Galiza, 08-04-2015). 

Manuel Antonio, epistolario

Esta xanela manuscrita aberta á intimidade do futuro poeta dá fe da voracidade coa que demandaba información e que, dende o galego, se estendía sen limitacións (Xesús Fraga, La Voz de Galicia, 10-04-2015).

Álvaro Cunqueiro, obra inédita

[...] obra de teatro titulada Alalá das Curuxeiras que o investigador Isidro Fernández ten no seu poder despois de adquirir a un particular o arquivo procedente da Falange de Mondoñedo (C. V., Sermos Galiza, 11-04-2015). 

Luís Valle, As cicatrices do Sol

[...] este domingo día 12 presenta As cicatrices do Sol en Fornelos de Montes. Será no acto no que o poeta Luís Valle reciba o Premio Lueiro Rey de Poesía (Carme Vidal, Sermos Galiza, 12-04-2015).

Neira Vilas, O xardín de Irene

[...] libro de poesía infantil O xardín de Irene, unha obra inspirada nunha nena da súa familia e coa que este recoñecido autor confesa "xogar a través das palabras" (El Correo Gallego, 18-04-2015).

Xavier Quiroga e Gonzalo Hermo, Premios da Crítica

Premio da Crítica 2014 na categoría de narrativa en galego a 'Zapatillas rotas', do lucense Xabier Quiroga; mentres que no apartado de poesía en galego foi para 'Celebración', do rianxeiro Gonzalo Hermo (El Correo Gallego, 19-04-2015).

Juan J. Prieto, A primeira meiga

O artífice de "A Primeira Meiga", Juan J. Prieto, confesa nunha  entrevista con Efe que quedou "prendado e namorado" da  peripecia de María Soliño, ben conservada na "memoria popular"  dun lugar máxico, Cangas do Morrazo (Pontevedra), porque resultou  sentenciada por ser, en realidade, "vítima dun plan moi malvado" (Sandra Sánchez, Galicia Hoxe, 25-04-2015).

Criaturas, número un

Coincidindo co Día do Libro, este 23 de abril chega á rede o segundo número da Revista Criaturas, a publicación coordinada Ledicia Costas e Daniel Landesa, sobre literatura infantil e xuvenil que botou a andar o pasado mes de decembro. Neste número 1 (o de presentación foi número 0) os contidos xiran arredor do humor (Praza Pública, 23-04-2015).

Sechu Sende, A República das Palavras

o título alternativo ia ser Como podem as palavras mudar o mundo. Este tema já estava em Made in Galiza: a energia das palavras para mudar a sociedade. É um tema que me interessou todo este tempo. Ao chegar o Made in Galiza a tantas pessoas, eu mesmo descobri que a literatura tem, entre outras funções, mudar as cousas. Interessei-me, por isso, em procurar os caminhos que tem a palavra para transformar o presente (Montse Dopico, Praza Pública, 24-04-2015).

Diego Ameixeiras, Premio Losada Diéguez de narrativa

[...] «a proximidade da linguaxe ao público máis novo e a constancia na presentación de espazos e personaxes contemporáneos» para elegir ganador de su 13.ª edición Conduce rápido, novela de Diego Ameixeiras que conjuga elementos del género negro (M. Cobas, La Voz de Galicia, 26-04-2015).