John Steinbeck. A perla. Cuestionario

Cuestionario para o club de lectura d'A perla, de John Steinbeck.

1. A obra está inzada de manifestacións de racismo. Comentade polo miúdo este aspecto.
2. ¿Que representa Juana na sociedade descrita na obra? Analizade, de paso, a evolución do personaxe ao longo da historia.
3. Debatede sobre o significado da sorte para os desfavorecidos.
4. O escorpión que picou o neno é un becho real, pero na obra colle tamén outros significados. Comentade este aspecto.
5. Analizade a idea da vila como corpo social.
6. ¿Por que se converte Kino en inimigo de todos?
7. Segundo a novela, ¿que fai diferente o home dos animais?
8. ¿Que ve Kino na Perla do Mundo?
9. A perla, o escorpión, a man esfolada de Kino... teñen unha lectura simbólica. Explicádea. ¿Atopades outros símbolos na novela?
10. Comentade os medos de Kino. ¿A que ten medo e por que?
11. Contrastade as diferentes actitudes que sobre a perla teñen Juana e Kino.
12. Comentade o significado que ten para Juana que Kino lle tivese dito: "Eu son un home" (cap. 5).
13. O achado da perla supón para os protagonistas unha fronteira entre o seu mundo antigo e o mundo futuro. Analizade as características de cada un deses mundos.
14. Comentade a solución final.
15. Da lectura d'A perla, ¿tiramos algunha lección?