7.3.10

Sorrisos e boa colleita

Anúnciase este libro colectivo como "unha homenaxe dos humoristas gráficos ao noso rural", e publícase no primeiro aniversario do Banco de Terras (Bantegal). Sinalamos que tamén é unha homenaxe ós propios humoristas gráficos.
Coordina a obra o veterano Xaquín Marín e na relación de colaboradores atopamos uns corenta nomes, todos moi coñecidos, que non imos enumerar agora. Os traballos desta homenaxe preséntanse a dobre páxina: na dereita, a viñeta; na esquerda, unha breve ficha bioblibiográfica do artista que participa na homenaxe.


O conxunto dos "monos" dános unha visión do campo dende diversas ópticas: a simbólica (Rubín, Seijas, Cráneo), a técnica, a urbanita (co seu concepto idílico ou turístico do rural) ou a vivencial.
Tamen nos permiten as viñetas facer unha boa relación dos problemas que afectan ó rural: especulación urbanística, crise económica, empresas enerxéticas, o minifundio (retratado na lingua: Carrabouxo, Fausto),  crise do leite, mecanización, despoboación, incendios, transxénicos, informatización e novas tecnoloxías, política...


Destacan como valores inmutables a calidade dos produtos (Dávila) e o valor educativo da vida rural (Quesada).
Sobre os personaxes teño que recoñecer a miña debilidade por Floreano e a súa gorra (Gogue). Na obra atopamos a este pasatista da vida preocupado, coma sempre, polos problemas de fondo. Aquí recoméndanos regar con viño para aforrar a auga, "que é un ben escaso".

Falaron do libro:

Xaquín Marín (coord.), Sorrisos e boa colleita, Bantegal, 2008.
Imaxes de culturagalega.org

1 comentario:

Certamen EducaRed dixo...

Queriamos informaros da convocatoria do Certamen Internacional EducaRed.

Tedes toda a información na web http://www.educared.org/certameninternacional

Pódese participar creando blogs, webs e wikis. Os docentes tambén poden participar en solitario, con Experiencias Didácticas relacionadas co uso das TIC.

O prazo de inscripción remata o 16 de abril.


Saúdos cordiais,


Oficina do Certamen Internacional EducaRed
Correo electrónico: certamen@educared.org
Teléfono: 902.905.144
+34.981.975.621