Brais Rodríguez. A man do diaño

Imaxe de Quadriños

Un comando de tres membros entra en territorio inimigo para levar a cabo unha misión. Destrúen todo o que atopan no camiño e eliminan superviventes. Mais sofren unha emboscada e un dos soldados resulta ferido. Recibe axuda dunha familia de campesiños e o soldado salva a vida, pero queda sen unha perna. Durante a convalecencia os outros dous compañeiros seguen coa misión, que inclúe a destrución da familia acolledora.
O incidente da emboscada fai reflexionar ó ferido e ó mercenario, que cambian de actitude e deciden abandonar as armas. Dos tres só logra cruzar a ponte de volta o mercenario, e aínda así non sabemos cal será o seu futuro. A guerra continúa: no camiño de volta o mercenario observa outro comando que se interna en territorio inimigo.
O autor quixo escribir unha historia antibelicista. Logra transmitir o irracional e o absurdo dun conflito bélico, a crueldade da limpeza étnica. Faille ver ó lector como a poboación civil é o pandote do exército inimigo e do amigo. Os soldados dos exércitos enfrontados son idénticos; só se distinguen na color do uniforme. Polo demais, obedecen e actúan do mesmo xeito.
A mensaxe d’ A man do demo é pesimista. Abóndalle ó autor cun par de viñetas para transmitírnola: os humanos, coma calquera outro insecto, mantéñense das entrañas dos semellantes.

Imaxe de Demo Editorial

Malia faceren a guerra con ordenador, os soldados van ataviados cun aire retro que os volve atemporais. A barbarie ten un amplo marco cronolóxico.
O branco e negro des debuxos non lle resta ningún dramatismo á historia.

Falan da obra

• Alfredo Pardo, “A man do diaño. Disparos con balas de tinta”, Quadrinhos.
• “Brais Rodríguez, A man do diaño”, BLIX.
• “Los efectos de la guerra”, astiberri.com. Presentación da versión en castelán. Véxase tamén a ficha de La mano del diablo.
• Vídeo promocional.
• Heladio Anxo, “A man do diaño, de Brais Rodríguez, Retelladoresdogaliñeiro.
• “Las jóvenes promesas del cómic gallego apuestan por una industria propia”, El Mundo 03-11-2010.
• “Unha alegación antibelicista de Brais Rodríguez gaña o Premio Castelao”, La Voz de Galicia, 26-10-2012.
• “A man do diaño de Brais Rodríguez”, sildavia9.
• Entrevista a Brais Rodríguez, Tebeosfera.
• Entrevista a Brais Rodríguez, Zona negativa.
• Entrevista a Brais Rodríguez, Dot magazine.
• A man do diaño, noticia do Premio Castelao, El Correo Gallego. Véxase tamén “O debuxante Brais Rodríguez Verde”.
• La mano del diablo, Guía del cómic.
• Ficha de Brais Rodríguez Verde en culturagalega.org.
• María Lado, “Lírica e violencia”, ProTexta, Tempos dixital.

---

Brais Rodríguez, A man do diaño. A Coruña, Demo Editorial, 2011.