31.7.14

Noticias de literatura-151. Xullo de 2014


O relato ideado por Kiko Da Silva, baixo o título de O inferno de debuxante, conta a historia de Manuel Pardo, un debuxante que nunca é quen de publicar ningunha das súas creacións porque sempre se atopa con que algunha outra persoa xa o fixera antes (Javier García, El Correo Gallego, 01-07-2014).

Como xa fixera hai tres anos con Beowulf, o profesor do Departamento de Filoloxía Inglesa, Francesa e Alemá da Universidade de Vigo Jorge Luis Bueno, aceptou o reto de acometer unha tradución na que investiu tres anos e na que tivo que enfrontar importantes retos: formais para adaptar o estilo poético; textuais, derivados dun léxico complexo en oitos campos semánticos e mesmo editoriais, ao tratarse dun texto complexo á hora de ser editado (Mª del Carmen Echevarría, Galicia Hoxe, 01-97-2014).


Hai dúas cousas que sobresaen -e marcan- na narrativa de Xerardo AgraFoxo (Noia, 1952), a súa condición de historiador -e o seu gusto polo estudo do período contemporáneo en Galicia- e súa pericia para conxugar feitos reais e ficción (La Voz de Galicia, 08-07-2014).

Reigosa define o seu traballo como "poesía confesional, con poemas cargados de pasado, nos que "un se ispe gratuitamente", xa que tras escribilos se preguntou: "¿Por que teño eu que andar contando isto "? " (Galicia Hoxe, 12-07-2014).
Dos tempos sombrizos, o último libro do poeta e xornalista Daniel Salgado, é un capítulo máis dunha crónica que o seu autor iniciou xa nos seus primeiros poemarios. O relato dunha guerra en curso na que o medo non é só dos que se saben dominados, senón tamén dos que ventan que poden ser varridos do poder (Praza Publica, 11-07-2014).

“El título del libro y lo que quiero plasmar en los poemas se podría explicar a diario cuando llego al puerto de Oza y veo a los viejos lobos de mar con esa mirada nostálgica perdida en el horizonte”, dice Iglesias para tratar de explicar ese sentimiento (Alfonso Pato, El País, 07-07-2014).

Laureano Xoaquín Araujo Cardalda, nacido en Berna en 1964, vén de gañar a segunda edición do premio Gonzalo López Abente co que será o seu primeiro libro de poesía, Os días condenados. Fragmentos para un devocionario. Da súa man chegaron ao galego desde o alemán obras como A morte en Venecia de Thomas Mann ou Opinións dun pallaso de Heinrich Böll (Sermos Galiza, 14-07-2014).

o seu último traballo, Máscaras rotas para Sebastian Nell, que este xoves recibiu o premio García Barros que convoca o Concello da Estrada por, en opinión do xurado, a "grande orixinalidade estrutural da obra" e a "poderosa historia" que contén e que será publicada por Galaxia (Praza Pública, 17-07-2014).
Abusos sexuais, corrupción política, denuncia social, conflitos psicolóxicos, intriga, tensión desde a ollada dunha muller... E todo iso nun escenario de máxima actualidade narrado cun pulso narrativo moi áxil. Estes son os ingredientes de A dúbida (La Voz de Galicia, 18-07-2014).

Con Stret Art Symphony, Fernando Epelde convertiuse en gañador da nova edición do Premio Abrente de Textos Teatrais da Mostra Internacional de Teatro de Ribadavia. [...] unha historia arredor de situacións conflitivas da nosa contemporaneidade como o illamento ou os desencontros xeracionais (Sermos Galiza, 24-07-2014).


O achado do castro estreouse en 1983 nunha función escolar e dende entón a obra foi representada en numerosos centros. Publicada orixinariamente en 1991, Manuel Núñez Singala volver dar ao prelo esta peza, con lixeiros cambios (La Voz de Galicia, 25-07-2014).

Trátase dun relato en cinco capítulos que resolvín dunha forma que me gustaba, toda ela a través de diálogos para que a historia saíse a partir do que os propios personaxes din. Quixen facer un pequeno “thriller”da corrupción, coa contemporaneidade do tema aínda que o tratamento sexa clásico (entrevista con Carme Vidal, Sermos Galiza, 30-07-2014).

Ningún comentario: